Գլխավոր էջ » 2013 » Նոյեմբեր » 7 » Յուրգեն Կլոպ. «Արսենալի» գոլից հետո մեզ մոտ բացակայում էր կազմակերպված խաղը

---

11:17 Յուրգեն Կլոպ. «Արսենալի» գոլից հետո մեզ մոտ բացակայում էր կազմակերպված խաղը

Լոնդոնցիները շատ արագ էին եւ կարողանում էին հիանալի պաշտպանվել, ասել է Դորտմունդի «Բորուսիայի» գլխավոր մարզիչ Յուրգեն Կլոպը: Գերմանացի մասնագետը մեկնաբանել է Չեմպիոնների լիգայի խմբային փուլի չորրորդ տուրում Լոնդոնի «Արսենալից» կրած պարտությունը: «Հանդերձարանում թիմին ասացի, որ մենք չարժանացանք նրան, ինչին արժանի էինք 90 րոպեում ցուցադրած խաղով: Ընդհանրապես պարդադիր չէր պարտվել, սակայն մենք դեռ չենք կորցրել խմբից դուրս գալու հնարավորությունները: Ամեն ինչ հնարավոր է, եթե մենք հաղթենք մյուս 2 խաղերում: Միանշանակ, այժմ պայքարը կընթանա մինչեւ վերջին վայրկյանը: Իհարկե, մենք մի քանի ավելորդ սխալներ թույլ տվեցինք: Ոչ մի կերպ չէինք կարողանում գոլ խփել, իսկ երկրորդ խաղակեսում նաեւ գնդակ ընդունեցինք «Արսենալի» առաջին դիպուկ հարվածից հետո: Դրանից հետո մեզ մոտ բացակայում էր կազմակերպված խաղը: Ֆուտբոլում կարեւոր է միայն արդյունքը: «Արսենալը» հնարավորություն ունեցավ 62-րդ րոպեին՝ խփելով հաղթական գոլ: Դա անարդար է թվում, բայց պետք է համակերպվենք դրա հետ: Լոնդոնցիները շատ արագ էին եւ կարողանում էին հիանալի պաշտպանվել: Թիմի խաղը պետք է չհիասթափեցնի ոչ ոքի: Լավ նորությունն այն է, որ մենք դեռ կարող ենք նվաճել փլեյ-օֆֆի ուղեգիր: Գիտենք, որ դա բարդ կլինի, բայց հավատում ենք մեր հնարավորություններին: Առաջադրանքը լուծելի է, իսկ մեզ համար բավական է, որ գիտենք դա»,- Կլոպի խոսքը մեջբերում է ՈւԵՖԱ-ի կայքը: Հիշեցնենք, որ «Արսենալի» դեմ խաղում Հայաստանի հավաքականի կիսապաշտպան Հենրիխ Մխիթարյանը «Բորուսիայի» կազմում անցկացրեց 90 րոպե: Չորրորդ տուրից հետո F խմբում իտալական «Նապոլին» ու «Արսենալն» ունեն 9-ական միավոր, «Բորուսիան»՝ 6, իսկ ֆրանսիական «Մարսելը» կրել է 4 անընդմեջ պարտություն: sport.news.am

1 2 3 4 5 Կատեգորիա: Չեմպիոնների լիգա | Դիտումներ: 365 | Ավելացրեց: Նարեկ | - Վարկանիշ -: 0.0/0

Մեկնաբանություններն ընդամենը՝: 0

>