23:24 Լևանդովսկի. Կայացրել եմ որոշումս, որի մասին կխոսեմ հաջորդ տարի | |
Դորտմունդի «Բորուսսիայի» հարձակվող Ռոբերտ Լևանդովսկին խոսել է ապագայի հետ կապված իր ծրագրերի մասին: «Դորտմունդում ես ինձ շատ լավ եմ զգում, սակայն ինձ հաջորդ մրցաշրջանում նոր մարտահրավեր է պետք: Հիմա ես կարող եմ միայն մեկ բան ասել` ես կայացրել եմ որոշումս, սակայն դրա մասին կխոսեմ հաջորդ տարի: Հուսով եմ ակումբները ինձ նոր առաջարկներով անհանգստություն չեն պատճառի: Ես կենտրոնացած եմ «Բորուսսիայում» իմ խաղի վրա և թույլ չեմ տա ինձ շեղել», - Լևանդովսկու խոսքերը մեջբերել է Goal.com-ը: Հիշեցնենք, լեհ հարձակվողին բոլորը տեսնում էին Մյունխենի «Բավարիայում», սակայն հետո Լևանդովսկին հրաժարվեց իր այն բառերից, ըստ որոնց նա պայմանագիր էր ստորագրելու մյունխենյան ակումբի հետ: Հաղորդվում էր նաև հարձակվողով «Բարսելոնայի», «Մանչեսթեր Սիթիի», «Արսենալի» և «Ռեալի» հետաքրքրված լինելու մասին: allsport.am | |
|
Մեկնաբանություններն ընդամենը՝: 0 | |