Ֆուտբոլի Իտալիայի չեմպիոն Թուրինի «Յուվենտուսը» Դորտմունդի «Բորուսիայի» եւ անգլիական «Լիվերպուլի» հետ կպայքարի Դոնեցկի «Շախտյորի» եւ Հայաստանի հավաքականի կիսապաշտպան Հենրիխ Մխիթարյանի համար, հաղորդում է Daily Mail-ը։

Ավելի վաղ հաղորդվում էր, որ «Լիվերպուլի» գլխավոր մարզիչ Բրենդան Ռոջերսը 20 միլիոն ֆունտ ստերլինգով մտադիր է ձեռք բերել Մխիթարյանին։

Անգլիական ակումբի գործադիր տնօրեն Յան Էյրը հետաձգել է Կոնֆեդերացիաների Գավաթին մեկնելը։ Նա ցանկանում է ուկրաինական ակումբի հետ համաձայնության գալ առաջիկա 48 ժամվա ընթացքում, քանի որ ֆուտբոլիստի ծառայություններով է հետաքրքրվում նաեւ «Բորուսիան», հաղորդում է The Telegraph-ը։

Հիշեցնենք, որ Ուկրաինայի ավարտված առաջնությունում Մխիթարյանը դարձել է 25 գոլի հեղինակ։