Դորտմունդի «Բորուսիայի» դարպասապահ Ռոման Վայդենֆելերը կարծում է, որ ներկայիս թիմը կարող է դորտմունդյան թիմի երկրպագուների հիշողության մեջ հավերժ մնալ՝ այնպես, ինչպես 1997 թվականի Չեմպիոնների լիգան հաղթած թիմը:

«Այդ թիմի մասին մինչև հիմա բոլորը հիացմունքով են հիշում: Եթե Լոնդոնում կարողանանք գլխավերևում պահել տիտղոսը, ապա հնարավոր է, որ նմանատիպ կարգավիճակ ստանանք: Իհարկե, «Բավարիան» ամեն ինչ կանի՝ մեզ հաղթելու համար: Ինչպես և 1997 թվականին, այնպես էլ այսօր՝ «Բորուսիան» եզրափակչի ֆավորիտը չէ, բայց, ընդհանուր առմամբ, այդ մրցավեճում ամեն բան էլ հնարավոր է»,- ասել է ֆուտբոլիստը: