Դորտմունդի «Բորուսիայի» աջ պաշտպան Լուկաշ Պիշչեկը կարող է բաց թողնել Չեմպիոնների լիգայի կիսաեզրափակիչ փուլի՝ Մադրիդի «Ռեալի» դեմ պատասխան հանդիպումը:

Թիմերի միջև կայացած առաջին խաղում, որում «դեղնասևերը» սեփական հարկի տակ 4-1 հաշվով հաղթեցին «Արքայական ակումբին», պաշտպանը փոխարինվեց մկանային վնասվածքի պատճառով:

«Պիշչեկը բաց կթողնի Բունդեսլիգայի շրջանակում սպասվող «Ֆորտունայի» դեմ հանդիպումը: Կասկած կա, որ նա բաց կթողնի նաև «Ռեալի» դեմ հանդիպումը»,- ասել է թիմի գլխավոր մարզիչ Յուրգեն Կլոպը:

Նշենք, որ «Ռեալ Մադրիդ»-«Բորուսիա» հանդիպումը տեղի կունենա ապրիլի 30-ին Մադրիդում: