Գլխավոր էջ » 2013 » Մայիս » 26 » ՄԱՏՍ ՀՈՒՄԵԼՍ.ԼԵՒԱՆԴՈՎՍԿԻՆ ԿԼՔԻ ԲՈՐՈՒՍԻԱՆ

---

14:34 ՄԱՏՍ ՀՈՒՄԵԼՍ.ԼԵՒԱՆԴՈՎՍԿԻՆ ԿԼՔԻ ԲՈՐՈՒՍԻԱՆ

Դորտմունդի «Բորուսիայի» պաշտպան Մատս Հումելսը Չեմպիոնների լիգայի եզրափակիչ հանդիպումից հետո, որում իր թիմը 1:2 հաշվով զիջեց «Բավարիային», «Mediaset Premium»-ին տված հարցազրույցում հայտարարել է, որ թիմի հարձակվող Ռոբերտ Լևանդովսկին այս ամռանը լքելու է թիմը։ Թեև, առայժմ, հայտնի չէ, թե 24-ամյա լեհ հարձակվողը որ ակումբում կշարունակի իր ելույթները։ Հիշեցնենք, որ ավելի վաղ տեղեկատվություն էր տարածվել հարձակվողի՝«Բավարիա» հնարավոր տեղափոխության, ինչպես նաև՝ «Մանչեսթեր Յունայթեդի» կողմից ֆուտբոլիստի նկատմամբ ցուցաբերված հետաքրքրվածության մասին: Այս մրցաշրջանում Լևանդովսկին 44 խաղ է անցկացրել «Բորուսիայի» կազմում՝ խփելով 34 գնդակ, այդ թվում՝ Չեմպիոնների լիգայի կիսաեզրափակիչ առաջին խաղում «Ռեալի» դարպասն ուղարկած չորս գոլերը: «Թիմում բոլորը գիտեն Լևանդովսկու որոշման մասին: Նա հեռանալու է և մենք շատ ենք ցավում: Սակայն «Բորուսիան» հպարտանում է նրանով: Մեզ միայն մնում է հուսալ, որ մոտ ժամանակներս թիմում նոր Լևանդովսկի կհայտնվի», - ասել է Հումելսը:

1 2 3 4 5 Կատեգորիա: Տրանսֆերներ | Դիտումներ: 393 | Ավելացրեց: Sasha | - Վարկանիշ -: 0.0/0

Մեկնաբանություններն ընդամենը՝: 0

>