Ըստ անգլիական ԶԼՄ-ների' «Մանչեսթեր Սիթին» հետաքրքրված է Դորտմունդի «Բորուսսիայի» հարձակվող Ռոբերտ Լևանդովսկու ծառայություններով:

Տեղեկացվում է, որ լեհ ֆուտբոլիստին իր նոր թիմում է ցանկանում տեսնել «քաղաքայինների» նորանշանակ գլխավոր մարզիչ Մանուել Պելլեգրինին: Ակումբի ներկայացուցիչներն արդեն բանակցություններ են վարել խաղացողի գործակալի հետ: Ավելի վաղ տեղեկացվում էր, որ Լևանդովսկու համար պայքարում են նաև «Բավարիան», «Չելսին», «Ռեալն» ու «Մանչեսթեր Յունայթեդը»; «Սիթին» պատրաստ է նրան առաջարկել շաբաթական 200 հազար ֆունտ աշխատավարձ:

24-ամյա Լևանդովսկին ավարտված մրցաշրջանում անցկացրել է 49 հանդիպում և դարձել 36 գոլի ու 13 արդյունավետ փոխանցման հեղինակ: