Դորտմունդի «Բորուսիայի» լեհ հարձակվող Ռոբերտ Լևանդովսկին լրագրողների հետ զրույցում կիսվել է ակնկալիքներով Չեմպիոնների լիգայի եզրափակիչ՝ «Բավարիա»-«Բորուսիա» խաղից առաջ:

«Գերմանիայի առաջնությունում և Չեմպիոնների լիգայում հետևելով «Բավարիայի» խաղին, ես կասեի, որ եզրափակչում շանսերը 60-40 է՝ հօգուտ «Բավարիայի»: Բայց պետք է հասկանալ, որ սա միայն ենթադրություն է՝ խաղադաշտում ամեն ինչ հնարավոր է: Հիշեք Եվրոպայի լիգայի վերջին եզրափակիչը: «Բենֆիկան» շատ լավ խաղաց «Չելսիի» դեմ, բայց նրանց չբավականացրերց վերջին վճռորորշ պահը: Ամենակարևորը, կարողանալ օգտագործել բոլոր հնարավորությունները: Կարծում եմ, որ մենք դա կարողանում ենք անել: «Բորուսիան» արժանի է նվաճել Չեմպիոնների լիգայի գավաթը»,- ասել է Լևանդովսկին: