Դորտմունդի «Բորուսիայի» գլխավոր մարզիչ Յուրգեն Կլոպը խոսել է Ռոբերտ Լևանդովսկու՝ «Բավարիա» տեղափոխության մասին լուրերից: Ըստ որոշ տեղեկությունների, Լևանդովսկին արդեն տվել է իր համաձայնությունը և հաջորդ մրցաշրջանից հանդես կգա մյունխենյան ակումբում:

-Այսօրվա դրությամբ ոչ մի պաշտոնական առաջարկ «Բավարիայից» չենք ստացել: Դեռ հույս ունեմ, որ Լևանդովսկին հաջորդ մրցաշրջանում մեզ հետ է լինելու: Կարծում եմ` մոտ օրերս պարզ կդառնա, թե ում էին ձեռնտու այս շահարկումները:

Մեր օրերում ամեն ինչ էլ հնարավոր է: Ինքս պրոֆեսիոնալ եմ և կարող եմ աշխատել ցանկացած իրավիճակում: Բայց, իսկապես, շատ ծիծաղելի է, երբ բոլորն այնպես են մտածում, կարծես ամեն բան արդեն որոշված է:

Յուպ Հայնկեսն ու ֆուտբոլիստի գործակալն ասում են այն, ինչը մենք չենք էլ ենթադրում: Ի՞նչ է դա նշանակում: Դա այդքան էլ գեղեցիկ չէ,- ասել էԿլոպը: