Դորտմունդի «Բորուսիայի» գլխավոր մարզիչ Յուրգեն Կլոպը լավատեսական ակնկալիքներ ունի հաջորդ մրցաշրջանից։

«Մամուլում կարդացել եմ, թե առջևում մեզ սպասում է վերջին ժամանակների ամենածանր մրցաշրջանը։ Նման քննարկումներն՝ անհեթեթություն եմ համարում։ Մենք բարձր կարգ ունենք, ինչպես նաև՝ ուժեղ հենք՝ հետագա հաջողություններ համար»,-ասել է Կլոպը՝ «Bild»-ին տված հարցազրույցում։

«Իհարկե, մեր կազմում լինելու են փոփոխություններ։ Ինչ-որ մեկը կլքի մեզ, մեկ ուրիշը՝ կմիանա մեր թիմին։ Դրանք ընդամենը փոփոխություններ են, որոնք փորձելու ենք հօգուտ մեզ օգտագործել»։

«Կուզենայինք, նորից հայտնվել Չեմպիոնների լիգայում, բայց հեշտ չի լինելու, քանի որ Լևերկուզենի «Բայերն» ու «Շալկեն» առաջադիմում են»,-նշել է գերմանացի մասնագետը։