Մայիսի 25-ին Լոնդոնի «Ուեմբլի» ստադիոնում կայանալիք «Բորուսիա» Դորտմունդ - «Բավարիա» Մյունխեն Չեմպիոնների լիգայի եզրափակիչով Գերմանիան կկրկնի Իսպանիայի, Իտալիայի եւ Անգլիայի նվաճումը՝ ունենալով զուտ ազգային եզրափակիչ:

2000-ին Փարիզի «Ստադ դը Ֆրանսում» Մադրիդի «Ռեալի» եւ «Վալենսիայի» պայքարում հաղթեց Արքայական ակումբը, 2003-ին Մանչեսթերի «Օլդ Տրաֆորդ» ստադիոնում հանդիպեցին իտալական «Միլանն» ու «Յուվենտուսը» եւ գավաթը նվաճեց «Միլանը», իսկ 2008-ին Մոսկվայի «Լուժնիկիում» տեղի ունեցավ անգլիական եզրափակիչ. «Մանչեսթեր Յունայթեդը» հաղթեց Լոնդոնի «Չելսիին»:

Հինգ տարի անց Եվրոպան պատմության մեջ առաջին անգամ տեսնելու է Չեմպիոնների լիգայի գերմանական եզրափակիչ:

«Բորուսիա» - «Բավարիա» հանդիպումը կմեկնարկի Երեւանի ժամանակով 22:45-ին: