Պաուլ ութոտնուկի մահից հետո գերմանական մամուլը հայտնաբելել է նոր կենդանիների, որոնք կանխատեսումներ են կատարում ֆուտբոլային խաղերի արդյունքների վերաբերյալ:

Հիշեցնենք, որ Պաուլ ութոտնուկը ճիշտ էր կանխատեսել Գերմանիայի հավաքականի գրեթե բոլոր խաղերի արդյունքները Եվրոպայի եւ աշխարհի նախորդ առաջնությունների ժամանակ:

Դորտմունդի կենդանաբանական այգում լրագրողները փորձություն են անցկացրել կենդանիների հետ:

Օրանգուտանգ Վալդերին տվել են 2 պարկ, որոնց մեջ եղել են «Բավարիայի» եւ «Բորուսիայի» մարզաշապիկները: Նա հանել է դորտմունդցիների մարզաշապիկը:  

Փիղ Նելին միակ կենդանին է, որն ընտրել է «Բավարիային», գրում է Bild-ը:

Հիշեցնենք, որ Մյունխենի «Բավարիայի» եւ Դորտմունդի «Բորուսիայի» միջեւ Չեմպիոնների լիգայի եզրափակիչը կկայանա մայիսի 25-ին Լոնդոնի «Ուեմբլի» ստադիոնում: