Դորտմունդի «Բորուսիայի» կիսապաշտպան Յակուբ Բլաշիկովսկին խոսել է Չեմպիոնների լիգայի կիսաեզրափակիչ «Ռեալի» հետ պատասխան հանդիպումից ունեցած սպասելիքներից:

Այդ հանդիպումը, հիշեցնենք, կկայանա ապրիլի 30-ին, «Սանտիագո Բեռնաբեու» մարզադաշտում: Թիմերի առաջին մրցավեճում 4-1 հաշվով առավելության են հասել Յուրգեն Կլոպի սաները:

-Սա վերջին ժամանակների ամենակարևոր խաղն է մեր թիմի ու շատերի համար: Չորեքշաբթի մենք առաջին քայլը կատարեցինք, իսկ այժմ պետք է անենք հաջորդը:

Մենք հարգանք ենք տածում «Ռեալի» նկատմամբ, բայց գիտակցում ենք նաև մեր ուժը: Կարող է տեղի ունենալ ամեն ինչ, բայց մենք պատրաստ ենք պատերազմի «Բեռնաբեոում»,- ասել է Բլաշիկովսկին: