Դորտմունդի «Բորուսսիայի» պաշտպան Ֆելիպե Սանտանան խոսել է իր թիմակից Ռոբերտ Լևանդովսկու խաղային որակների մասին։

Հիշեցնենք, որ Չեմպիոնների լիգայի կիսաեզրափակիչ առաջին հանդիպման ժամանակ լեհ հարձակվողը 4 գնդակ ուղարկեց Ռեալի» դարպասը։

«Լևանդովսկին առանց որևէ խնդրի կարող է հանգիստ խաղալ «Բարսելոնայում»։ Նա հիանալի է խաղում երկու ոտքերով, ինչպես նաև օգնում պաշտպաններին։

Այժմ Լևանդովսկին չի զիջում Ռոնալդուին։ Նա ապացուցեց ողջ աշխարհին, որ Եվրոպայի լավագույն հարձակվողներից մեկն է։

Ինչ վերաբերվում է «Բարսելոնա»- Բավարիա» դիմակայությանը, ապա խոսում ենք այն թիմի մասին, որում հանդես է գալիս Մեսսին և Իսպանիայի հավաքականի մեծ մասը։ Նրանք կարող են ամեն ինչ անել։

Իսկ ինչ վերաբերվում է մեր դիմակայությանը, ապա եզրափակիչ դուրս գալու հիանալի հնարավորություն ունենք։ Այնուամենայնիվ, չի կարելի կորցնել զգոնությունը։ Մադրիդը սուպերթիմ է»,- Սանտանայի խոսքերն է մեջբերում Football Espana-ն։